Goblog

Goblog

Senenge ati kowe sing jalari

Aku bungah, uripku dadi endah

Ora ana liya  kejaba kowe ing pepeling

Ya…. Ya mung kowe sing sumimpen ing jero atiku

Awit aku susah, kowe sing dadi panglipurku

Awit aku panas, kowe sing dadi pangleremku

Awit aku ambruk, kowe sing dadi jagangku

Awit aku peteng, kowe sing dadi damarku

Goblog………. Goblog tenan….

Goblogke aku…..

Goblog ngira yen kowe panglipurku

Wong nyatane kowe mung munyuk

Sing sejatine ngguyu ngakak ing mburiku

Goblog ngira yen kowe pangleremku

Wong nyatane kowe mung angin adhem

Sing sejatine mulatke geni ing rasa adhemmu

Goblog yen ngira kowe jagangku

Wong nyatane kowe mung pring ori

Sing katone kuwat nyangga ning nyatane kebak carang lan eri

Goblog yen ngira kowe damar

Wong nyatane kowe mung damar oncor

Sing bisa ngobong omah gedheg sawayah-wayah

Goblog…. Goblog……

Aku dadi menungsa Goblog jalaran manise lambemu

Nanging … Goblog…..

Kowe ora beda tikus sing ora bisa nyimpen bosoke dhewe

kajupuk soko : Panjebar Semangat